73
餐廳裝修同模式都好日式，入到門口先撳機揀食咩，坐一陣，熱辣辣嘅牛扒就會由店員會送上嚟。因為無汁，唔會似鐵板餐咁彈油，不過店內到好貼心咁準備好圍裙，唔怕整污糟件衫。
而牛扒上碟嘅時候大約3成熟左右🍖，你可以一路砌一路用熱石燒熟，想食幾熟都可以自己決定。
如果怕齋食牛有啲悶，出面仲有🍚白飯、湯、沙律任裝，保證食得飽！
牛柳嚟嗰陣真係非常厚，開頭有啲手足無措唔知點切好，好彩肉質都幾冧，而且無筋，所以想切幾厚幾薄都容易。牛柳肉味比較濃，比較有口感，未算特別好食，勝在CP值高！
1
和牛真係好唔同啲，送嚟嗰陣已經切好一片片，唔止睇落油花多啲，食落肉質仲嫩滑好多，雖然未去到入口即融，但口感、肉味同油膩做到啱啱好平衡，唔會太油膩，有肉味但唔會太重牛味，呢個價我覺得幾抵食！
2
去呢啲餐廳最怕食完一陣燒肉味，好彩餐廳冷氣夠，坐同坐之間都算梳，陣味未算好重。
特別值得讚嘅係個牛肉湯🍲，好足料，有某某湯門店嘅味道。其實和牛同牛柳價錢唔係差太遠🥩，我下次再食一定揀和牛！當然有人鍾意食肉味濃啲嘅，有人鍾意食油脂再豐富啲嘅，都各有選擇啦！
