影片
更多
2018-06-21
38 瀏覽
行到累累地去左元朗千色附近搵野食，無意中試左呢間食牛既火鍋專門店！一坐底店員就放低西瓜比我地，對大熱天時行到身水身汗嘅我地，簡直透心涼！之後就自己用屏幕落order，大開眼界呢，入面將牛既身體部位分得好仔細，仲每項都有介紹，好細心呢！今次同朋友點咗鴛鴦鍋，因為我食辣，佢唔食辣，呢個湯底啱哂我地！而且我發現加湯嘅時候，佢係用番原本湯底加，而唔係用普通清湯，湯底唔會溝到冇哂味！平時好鍾意食牛既我，其實真係唔知牛分咁多部位，即管就叫左幾樣試下！食完覺得真係同平時打邊爐好唔同，佢既肉質都偏向「林」，同埋無雪藏味，可以食到牛本身既味道！仲有佢無太多丸類，打完邊爐都唔會覺得好飽好滯，可以專心食牛同蔬菜！至於配料佢有好多選擇，岩晒鍾意食蔥既我，一口氣拎左三兜蔥，夾埋牛一齊食，簡直係正丫！（我相信愛蔥人士會明白咩感受，仲有「芫茜」呢！野飲方面都多選擇，有可樂，檸檬茶，豆漿！仲有好好飲嘅桂圓露，一啲都唔甜，啱哂好怕甜嘅我！我地兩個人食左差唔多四百蚊，食完岩岩好，冇食淨，唔會浪費！同埋野食都乾淨，食得好安心！
一坐底店員就放低西瓜比我地，對大熱天時行到身水身汗嘅我地，簡直透心涼！
之後就自己用屏幕落order，大開眼界呢，入面將牛既身體部位分得好仔細，仲每項都有介紹，好細心呢！
今次同朋友點咗鴛鴦鍋，因為我食辣，佢唔食辣，呢個湯底啱哂我地！而且我發現加湯嘅時候，佢係用番原本湯底加，而唔係用普通清湯，湯底唔會溝到冇哂味！
平時好鍾意食牛既我，其實真係唔知牛分咁多部位，即管就叫左幾樣試下！
食完覺得真係同平時打邊爐好唔同，佢既肉質都偏向「林」，同埋無雪藏味，可以食到牛本身既味道！
仲有佢無太多丸類，打完邊爐都唔會覺得好飽好滯，可以專心食牛同蔬菜！
至於配料佢有好多選擇，岩晒鍾意食蔥既我，一口氣拎左三兜蔥，夾埋牛一齊食，簡直係正丫！（我相信愛蔥人士會明白咩感受，仲有「芫茜」呢！
野飲方面都多選擇，有可樂，檸檬茶，豆漿！仲有好好飲嘅桂圓露，一啲都唔甜，啱哂好怕甜嘅我！我地兩個人食左差唔多四百蚊，食完岩岩好，冇食淨，唔會浪費！同埋野食都乾淨，食得好安心！
張貼
