牛More石燒專門店 (已結業)

今晚見早返牛more比較少人，另一半心血來潮又黎呢度食下扒，照舊一入店，親切的餐廳員工會教你點餐，介紹有咩今期推介。入得黎食飯自然離不開据扒，今次見touch screen點餐牌有牛more丼，當然要一試啦～今次呢款牛more丼好有驚喜，可能平時食開大件夾抵食扒，呢次食份量少一點嘅牛more薄扒反而岩岩好（其實我可以食 double size)。個生蛋黃撈飯雖然係配角，但差啲做埋主角，因為個蛋好滑，再配埋牛more簡直完美，呢款飯我相信會不停黎食。