明師傅甜品 (已結業)

路德圍連住三間甜品店，松記明師傅友記，之前日日放工十點幾都會經過，日日都人山人海。自己真係唔係好得食糖水呢個環節(除咗佐敦佳佳)，又多人坐得又唔舒服又貴(甜品店食水之深)又唔健康，食物亦零製作技巧。不過朋友千里迢迢入到荃灣，佢叫到，死就死啦！今日星期一十點半，少見無咩人，除咗松記有一兩個人排外，友記即入得，明師傅更得兩三枱客。坐低，個餐牌溶溶爛爛，見到都唔多開胃，選擇亦唔多唔吸引，啲相仲有啲醜。最後叫咗個黃色潛水艇($29)，貪佢有雪糕有芒果。但上枱最搶鏡嘅係嗰幾粒大菠蘿，佔咗成個碗三分一，硬度完全同成碗嘢格格不入。其他，正常貨仔囉，食完都唔多覺自己食過芒果嗰隻。$29我唔知算唔算貴，但之前喺路德圍食過間四五十蚊扮哂日式嘅甜品店(已關門大吉)，環境服務都差無可差，所以$29我突然覺得好很平