影片
更多
2011-07-05
5 瀏覽
呢日收工咋咋淋閃人, 因為約好左 2 個朋友仔去德發進膳, 嘿嘿~朋友之前已經食過幾次, 所以極力推介比未試過既我 XD朋友仔已經預先打左電話黎 book 位, 不過早到好過遲到...去到大約 6 點 9 左右, 時間仲早, 店入面只有大約 2-3 枱客仔~老細+大廚好熱情咁招呼我地同介紹小菜, 侍應到好熱情喲 坐低先點菜, 左揀右揀, 結果呢晚我地食左:開胃小黃瓜 (枱面小食)野味豬紅 (特製小菜, 餐牌入面無架 ^o^)o者o者粉腸煲酒香紅豬手黃金鍋巴脆脆豆腐 併 彈牙蝦餅梳乎厘落完單, 當然係邊睇電視邊吹水既時間嚕~開胃小黃瓜 - 真係幾好味, 菜前小食, 正!! 唔夠 5 分鐘, 侍應忽然同我地講: o岩o岩即慶整左豬紅, 要唔要試下食住先? 只賣 $10/碗~野味豬紅 - 結果當然唔會放過啦, 呵呵...果然無要錯!! 湯底野味, 真正豬紅, 滑不溜口, 正!! 食完豬紅, 然後等左大約 5 分鐘, 上枱嚕~o者o者粉腸煲 - 香氣撲鼻, 引到口水長流, 哈哈~ 食落香口野味, 正!! (可惜...真係少得可憐, 朋友仔話之前黎食, 絕對唔係呢個份量...只怪物價真係愈黎愈
朋友之前已經食過幾次, 所以極力推介比未試過既我 XD
朋友仔已經預先打左電話黎 book 位, 不過早到好過遲到...
去到大約 6 點 9 左右, 時間仲早, 店入面只有大約 2-3 枱客仔~
老細+大廚好熱情咁招呼我地同介紹小菜, 侍應到好熱情喲
坐低先點菜, 左揀右揀, 結果呢晚我地食左:
開胃小黃瓜 (枱面小食)
野味豬紅 (特製小菜, 餐牌入面無架 ^o^)
o者o者粉腸煲
酒香紅豬手
黃金鍋巴
脆脆豆腐 併 彈牙蝦餅
梳乎厘
落完單, 當然係邊睇電視邊吹水既時間嚕~
開胃小黃瓜 - 真係幾好味, 菜前小食, 正!!
唔夠 5 分鐘, 侍應忽然同我地講: o岩o岩即慶整左豬紅, 要唔要試下食住先? 只賣 $10/碗~野味豬紅 - 結果當然唔會放過啦, 呵呵...果然無要錯!! 湯底野味, 真正豬紅, 滑不溜口, 正!!
食完豬紅, 然後等左大約 5 分鐘, 上枱嚕~o者o者粉腸煲 - 香氣撲鼻, 引到口水長流, 哈哈~ 食落香口野味, 正!!
(可惜...真係少得可憐, 朋友仔話之前黎食, 絕對唔係呢個份量...只怪物價真係愈黎愈貴...)
酒香紅豬手 - 豬手炆得入味又夠淋, 聞唔到濃烈既酒味, 但食落口就有歷久不散既酒香, 正!!
黃金鍋巴 - 我既最愛...一塊塊脆到爆既鍋巴沾上咸香既咸蛋黃, 真係正到無朋友!!!
脆脆豆腐 併 彈牙蝦餅 - 2 樣同樣出色既炸物, 豆腐外皮脆之餘, 入面又熱又滑, 真係外脆內滑, 正!! 至於蝦餅, 彈牙度十足, 香濃蝦味, 正!!
梳乎厘 - 落單大約等 20mins, 高高鬆鬆既梳乎厘, 外型吸引, 食落味道更係正, 比好多所謂既甜品店好好多好多, 正!!
總括黎講, 食物味道真係唔錯, 份量縮水就難以避免, 只希望物價唔好再高....
張貼
