橫綱

營業中

休息中

橫綱係十年前親人帶我食既拉麵，當時已經大排長籠，等一大輪先有得食。而親人早已身故，所以有少少物是人非既傷感感覺，麵無變，黎食既人卻不同了！情何以堪！下午三點黎食，星期六都唔使點等位。跟餐凍檸茶，食拉麵有茶啡好似以前係無既，正常西餐廳味道。櫻花蝦拉麵，個湯好濃味，夠咸，櫻花蝦細細隻好脆，溏心蛋做到半液固態，叉燒夠軟稔，麵就好似油麵咁，似係廠拎返黎。辣味拉麵，真係辣得好過癮，又有少少芝蔴，正！每人跟餐加配45蚊鰻魚飯，都係拉麵好食d，依個無咩特別。雞串配上蛋黃醬好夾，燒得幾好，好清新。薯仔雞蛋沙律好味，側面有d脆脆地既薯片，口感好特別。希望親人係天國試到依碗拉麵。食咁多野都係330蚊好抵食。