影片
更多
2018-01-17
652 瀏覽
一直想試呢間餐廳好耐，直到今日終於有時間前來光臨。睇餐牌有咁多款蝦都唔知試邊款好，款款都好吸引，最後揀咗鹹蛋黃蝦。當落完order就見到店員喺門口個水缸到撈啲蝦出來，有種西貢食海鮮嘅感覺！比我嘅感覺成件事都好透明均真。一上菜啲鹹蛋黃依然沸騰中，熱油逼晒啲鹹香出來。驟眼望呢度嘅蛋黃蝦同外邊食到嘅唔同，呢度食到嘅似乎油比較多，但蛋黃丁上；外間食嘅咸蛋黃係mash溶去然後黏在蝦殼上，所以永遠都只係個殼有味。可能係有別一般嘅煮法，所以隻隻蝦都入晒味，連蝦頭入面都傳來啖啖咸香。一鍋有七隻蝦左右，隻隻都好飽滿結實，蝦肉好彈牙唔霉，而且好多金黃色嘅膏！二百零蚊，兩個人食份量啱啱好，唔會太膩又夠飽，個人認為如果三個人食嗌兩鍋先夠！係蝦鍋來前叫咗兩款小食：一口豆腐＆醉雞卷。豆腐似乎加咗魚肉，所以偏向彈牙口感；亦都略嫌唔熱，呢款的確有少少失望。不過醉雞卷就好好食！酒味好濃，加入冰糖令到酒味更易入口，而且每件都入晒味，雞卷已去骨，present得都好靚。另外再叫咗個清炒羽衣甘藍。第一次食羽衣甘藍，未食前我suppose草青味較濃，原來口感近似豆苗，清甜爽脆，90幾蚊本身我認為有少少貴，但係份量都多，而且上湯
當落完order就見到店員喺門口個水缸到撈啲蝦出來，有種西貢食海鮮嘅感覺！比我嘅感覺成件事都好透明均真。
一上菜啲鹹蛋黃依然沸騰中，熱油逼晒啲鹹香出來。驟眼望呢度嘅蛋黃蝦同外邊食到嘅唔同，呢度食到嘅似乎油比較多，但蛋黃丁上；外間食嘅咸蛋黃係mash溶去然後黏在蝦殼上，所以永遠都只係個殼有味。可能係有別一般嘅煮法，所以隻隻蝦都入晒味，連蝦頭入面都傳來啖啖咸香。一鍋有七隻蝦左右，隻隻都好飽滿結實，蝦肉好彈牙唔霉，而且好多金黃色嘅膏！二百零蚊，兩個人食份量啱啱好，唔會太膩又夠飽，個人認為如果三個人食嗌兩鍋先夠！
係蝦鍋來前叫咗兩款小食：一口豆腐＆醉雞卷。豆腐似乎加咗魚肉，所以偏向彈牙口感；亦都略嫌唔熱，呢款的確有少少失望。不過醉雞卷就好好食！酒味好濃，加入冰糖令到酒味更易入口，而且每件都入晒味，雞卷已去骨，present得都好靚。
另外再叫咗個清炒羽衣甘藍。第一次食羽衣甘藍，未食前我suppose草青味較濃，原來口感近似豆苗，清甜爽脆，90幾蚊本身我認為有少少貴，但係份量都多，而且上湯底炒出來嘅味道的確並非一般屋企做到，所以呢款值得一試。
食完先喺門口報章得知蝦鍋係台南特色菜式，大廚兼老闆夫婦係台灣人，難怪店裡頭掛滿台灣吊飾。
整體來講，對於鍾意食蝦嘅人呢度的確值得一來，食物本身有質素，店面有格調又清靜，唔駛同人迫，現場所見客人以少婦同OL佔多，所以鍾意坐得舒服，輕輕鬆鬆食下海鮮嘅人不妨可以考慮呢度。
張貼
