德膳壽司 (已結業)

同朋友慶祝生日，一行八人去咗上環食放題去食放題永遠都係首先叫刺身，但係呢個刺身一黎到我都覺得好 surprise，首先冇諗過份量都幾多，而且一啲比較少見嘅帶子同刺身蝦亦都比想像中大隻好多，質素算幾好幾新鮮另外原來朋友叫咗鵝肝，呢樣野係放題之中我比較少見到有，鵝肝size算大油份好重，但加埋塊多士一齊食就可以減少油膩感，但其實食一兩件已經好飽最後其他熟食我覺得反而佢嘅炸物做得幾好，可能油溫夠高，令到啲炸物都唔會太油膩，例如炸蠔既炸漿我覺得唔會太厚，蠔都唔算太細隻，另外炸餃子都炸得好乾身，餡料亦算多，整體算不錯