影片
更多
2017-07-20
5094 瀏覽
想食平價任飲任食打邊爐, 第一時間會諗起交通方便, 加埋一都唔洗二百蚊, 可以食足2.5小時既<<好一鍋>>幾個月前黎過食, 覺得野食同服務質素唔錯, 而令我留下深刻印象。所以今晚相約舊同學再前去Encorn!幸好我地有預先book位, 今晚平日, 但場內都full booking, 有唔少walk-in食客都失望而回, 所以如果想入去食既最好都係預先book位啊!我同朋友都可以各自點自己想食既湯底, 因為雙拼都係不另加收費!我地揀左冬陰功拼椰子雞湯底, 惹味湯底微酸有點辣 vs 清潤湯底清甜無比, 每款湯底都各有特色。可以自由混醬, 不額外收費。野飲方面, 罐裝汽水/飲品都係任飲, 但酒類飲品就要額外收費。打邊爐當然要食肥牛, 肥牛分為兩款 手切肥牛同埋美國肥牛, 其實味道上唔太大分別, 只係手切肥牛比美國肥牛有口感一點。如果唔食牛都可以選擇西班牙豚肉鱔片 屬貴價魚, 但呢度同樣供應, 薄切亦有略爽口感, 但一碟只有三片, 想大量食就真係要瘋狂入單。吸湯底既火鍋配料我地就揀左魚皮、蜂巢豆腐同埋響鈴, 雖然響鈴唔係即炸, 沒有脆卜卜, 但魚皮反而脆身。如
幾個月前黎過食, 覺得野食同服務質素唔錯, 而令我留下深刻印象。所以今晚相約舊同學再前去Encorn!
幸好我地有預先book位, 今晚平日, 但場內都full booking, 有唔少walk-in食客都失望而回, 所以如果想入去食既最好都係預先book位啊!
我同朋友都可以各自點自己想食既湯底, 因為雙拼都係不另加收費!
我地揀左冬陰功拼椰子雞湯底, 惹味湯底微酸有點辣 vs 清潤湯底清甜無比, 每款湯底都各有特色。
可以自由混醬, 不額外收費。
野飲方面, 罐裝汽水/飲品都係任飲, 但酒類飲品就要額外收費。
打邊爐當然要食肥牛, 肥牛分為兩款 手切肥牛同埋美國肥牛, 其實味道上唔太大分別, 只係手切肥牛比美國肥牛有口感一點。
如果唔食牛都可以選擇西班牙豚肉
鱔片 屬貴價魚, 但呢度同樣供應, 薄切亦有略爽口感, 但一碟只有三片, 想大量食就真係要瘋狂入單。
吸湯底既火鍋配料我地就揀左魚皮、蜂巢豆腐同埋響鈴, 雖然響鈴唔係即炸, 沒有脆卜卜, 但魚皮反而脆身。如果唔係追求香脆口感, 其實呢幾款都值得order吸湯底精華黎食。
最有驚喜係呢度既手打墨魚滑同丸類, 果然是帶點爽彈鮮甜味。
除左丸類值得encorn之外, 仲有就係呢度既鵝腸, 雖然有少部分都有肥膏連帶, 但鵝腸真係好夠爽, encorn完再encorn~
一串串海蝦都很新鮮, 不是死蝦
呢度更有養顏既花膠任食, 不過就唔太有豐富既膠質, 冇黏口既感覺。
蔬菜更order左菇類, 完全沒有泥痴住, 很清潔…
最後, 當然要食返個甜品先叫完美。
呢度有提供自助支乳酩雪糕同自選配料, 整體味道拍得住出面既乳酪專門店ga~~~
整體黎講, 2.5小時真係夠哂同朋友邊食邊吹水, 不過比對上一次黎, 呢度既人流明顯多左好多, 野食質素keep到, 不過order上檯既速度似乎比之前慢左少少。
但追單時待應們都好盡責, 立即幫我地跟, 最後都冇漏單, 都加返唔少分數。
不停食足2.5小時, 價錢亦唔貴, 滿足得大家都飽到棒住個肚走。
張貼
