影片
更多
2022-07-13
428 瀏覽
呢間鮨鎧一開張就想試，今日終於一嚐所願。朋友一早book定位，幸好位置方便易揾可準時入座。一入門就可見一排長枱可同時坐10-12人，乾淨企理，簡單明亮感覺舒適。花仔（經理）好快安排我們坐好，揀定當日價 目最貴嘅Omakase (一路食一路覺得物超所值），海師傅再細心問我們有什麼食物唔啱食之餘，就順路揀埋sake杯然後就開動等食mode！（點知揀杯都揀咗好耐，因為好多靚杯揀....好colourful 又夠stylish，最終揀咗隻富士山形石杯。）第一道上嘅係三文魚子海鮮茶碗蒸，雖然望落去好平凡，但加上鹹鮮嘅魚子和蟹肉還有滑dodo嘅蒸旦，實在令人胃口大開。第二道係肥美嘅肥美生蠔，經過慢煮蠔味估唔到咁更加突出。跟住有海膽魷魚，調出嚟嘅醬汁夠鮮甜加上一嚿仔白飯撈埋嚟食冇浪費。後有火炙帆立貝....大大粒燒好後即時包上脆卜卜嘅紫菜，內軟外脆，一口都食唔晒要分2啖嚟食。跟住因為同行朋友喜歡熱食，海師傳特備一系烈熟食給他（我順路都替佢分擔吓）。師傅先做了一份燒木火魚，這份燒魚烤得皮脆肉嫩；再來一份鮑魚拼鮑魚肝醬，肝醬甘甜不膩，加上鮑魚嫩彈口感，一道又一道的佳餚絕配原來未到極緻，估唔到熟食都咁出色
一入門就可見一排長枱可同時坐10-12人，乾淨企理，簡單明亮感覺舒適。花仔（經理）好快安排我們坐好，揀定當日價 目最貴嘅Omakase (一路食一路覺得物超所值），海師傅再細心問我們有什麼食物唔啱食之餘，就順路揀埋sake杯然後就開動等食mode！（點知揀杯都揀咗好耐，因為好多靚杯揀....好colourful 又夠stylish，最終揀咗隻富士山形石杯。）
第一道上嘅係三文魚子海鮮茶碗蒸，雖然望落去好平凡，但加上鹹鮮嘅魚子和蟹肉還有滑dodo嘅蒸旦，實在令人胃口大開。第二道係肥美嘅肥美生蠔，經過慢煮蠔味估唔到咁更加突出。跟住有海膽魷魚，調出嚟嘅醬汁夠鮮甜加上一嚿仔白飯撈埋嚟食冇浪費。後有火炙帆立貝....大大粒燒好後即時包上脆卜卜嘅紫菜，內軟外脆，一口都食唔晒要分2啖嚟食。跟住因為同行朋友喜歡熱食，海師傳特備一系烈熟食給他（我順路都替佢分擔吓）。師傅先做了一份燒木火魚，這份燒魚烤得皮脆肉嫩；再來一份鮑魚拼鮑魚肝醬，肝醬甘甜不膩，加上鮑魚嫩彈口感，一道又一道的佳餚絕配原來未到極緻，估唔到熟食都咁出色。
之後有吞拿魚面珠登，扲貴的食材燒得油香極重，食下去以為食緊牛肉，肉味香濃回味無窮。金目鯛用火小炙魚皮，魚肉仍是一樣的鮮。還有熟成拖羅和啱時節嘅白海膽（想食原隻嘅紫海膽，但始終未到季節，海師傅落重本放足成隻手指咁長嘅海膽做軍艦以暫解我們相思之苦。），每樣好像細細件，份量真係不容輕視，加上師傅自制嘅甜薑、蒜頭... 不間場提供，呢刻已經好滿足。🐷
三文魚很久不在我啲menu裏，感覺都唔多係Omakase 枱上出現，但這個下午遇上“時不知鮭”，名字源由牠的習慣，不知道何時回的鮭魚走不回家了（感覺名字很淒美...淒慘得嚟我哋食得好美味🤭）。只有這個多月時間才能遇上的時不知鮭，脂油香口感很重，並不是那些三文魚腩的肥味，是日encore之作。
龍蝦現在相對係比較普遍的食材，但配上精美色彩繽紛嘅器具，又突然升價10倍，令食生生色不少，色香味俱全。
我最期待的是海師傅自家制的醬油蟹。除咗去韓國我夠膽食生蟹外，未有再係其他地方嚐食。直到發現這裏特制的醬油蟹，除咗2因為海蟹係海師傅專程由日本入口為一保證外，還有他細心挑選醃制保證品質安全下才提供。醬油蟹鹹鮮適中，蟹肉還保持了彈性和juicy，口感不似韓式的醬油蟹那樣軟身似mosses的質地，很令人感到驚喜，果然沒有失望。
整個下午在笑聲中渡過，不單海師傅用心制作，還有同場另一位大師一邊制膳一邊說笑，在場的每位食客都被他哄得開懷。不得不讚花仔和另一位靚靚侍應，整邨午餐都照顧周到，適時添酒，遇上我不明白的地方（每款食材都有不同名字和特式，師傳專注制作），他們都會解答很窩心。
最後當然少不了一份甜點 ..... 綠茶奶凍大大粒紅豆拼上朱古力流心窩夫仔，大大粒粉綿紅豆放上片片金簿盡顯平凡中的不平凡。
食物固然係重點之作，但餐廳環境衞生更係重中之重。好多時外表幾好，都係會係廁所嘅整潔度。一餐咁長，總有需要，鮨鎧另一值得一讚嘅係洗手間的清潔度，簡直要俾個like。在疫情下，最需要自動操作，唔使掂到就最好。呢度入洗手間，塊廁板都係自動打開㗎！感覺宜係乾淨得多，超讚！👍
工作忙碌一星期，星期天的下午更係要輕輕鬆鬆的食餐好又坐得舒服。最怕趕頭趕命又要俾人限時限刻清枱埋單，有唔少Omakase連lunch 都分上下場，俾人趕到冇心機，係鮨鎧就冇咁嘅憂慮。🌻
這天遇上這一餐，真的十大滿足，已跟朋友約定下一餐，期待海師傅佳作！💕
張貼