桜

營業中

休息中

呢間日式餐廳提供超過30款手卷，仲有丼飯同埋小食，當中最特別嘅就係炸三文魚皮($23)，所以我叫咗份、同埋要個三文魚蟹籽手卷($26)🤓三文魚皮即叫即炸，攞上手熱辣辣非常吸引，面頭有層白色嘅嘢、應該係鹽，咬落去非常脆卜卜，口感100分，略嫌啲鹽落得太多，所以有幾啖會好鹹，但如果適中嘅話就有吊味嘅作用，部份位置亦都食到好香嘅三文魚油味😋手卷方面就冇乜太特別，用料幾充足、三文魚去到最後一啖都仲有，不過自己鍾意食醋味濃啲嘅壽司飯，略嫌呢度嘅白飯有少少黏同埋唔夠味😉