龍鳳號 (裝修中)

觀塘區真係特別多台灣嘢食，今日又來到其中一間叫龍鳳號嘅台灣餐廳食好西啦，本人都比較鍾意台灣嘅嘢食，呢間台灣嘢就位於觀塘工廠區既駿業街，佢哋嘅裝修都幾特別，枱櫈都係以木為主題，我哋就叫咗啲好特別嘅台灣嘢試吓叫咗出名既肉燥湯新竹米粉同埋姐姐涼麵，每間台灣菜都會有肉燥坐陣，因為呢間第一次嚟，所以就梗係要叫最傳統嘅嘢食下啦，佢嘅肉燥麵真係同出邊嘅有啲分別，我唔係好食得出佢裏面加咗啲咩醬料，但佢比較特別，味道係唔錯嘅，但都係肉燥比較少，新竹米粉麵質都唔錯，軟硬適中，成個份量啱啱好，而佢嘅姐姐涼麵其實即係素嘅冷拌麵，裏面嘅醬料有麻醬，青瓜等，食落嘅感覺涼涼的，夏天都幾開胃另外我哋嗌咗兩款好特別嘅小食，分別係紫菜檸香素魚同埋大腸，佢既素魚做到好似真嘅魚肉一樣，裏面嘅都係由腐竹處理而成的，紫菜代替左魚皮，成個感覺好正，而大腸方面佢絕對冇腥味，好爽口，份量都多，下面有豆腐，都入味👍🏻👍🏻最後嗌咗兩杯嘢飲，一個係熱嘅芋泥鮮奶，一過係凍既桂圓雪梨茶，可能影相嘅角度會細杯左啲，其實佢好大杯，飲落甜味唔算好多，但我覺得啱啱好，芋泥都幾多，好棉，至於雪梨茶佢係無添加，冇防腐劑的，外型特別，飲落清清地特別開胃😋😋