Patisserie Tony Wong Dessert Cafe (已結業)

週末係元朗搵黎搵去都搵唔到特別既生日蛋糕，行過Yoho戲院前面，有間好高級既店舖，終於搵到的特別的既蛋糕！原本以為只係食甜品既Cafe，原來佢的蛋糕都好出名！好精緻既蛋糕🎂全部樣都好特別，有細款蛋糕仔，可以買個細既試左味先買大蛋糕。今次買左個 士多啤梨野苺拿破崙蛋糕呢個拿破崙蛋糕其係必選！100分滿分！餅底好脆，中間既拿破崙唔會一切就碎開曬，吉士醬唔會太甜太膩！加埋好甜既士多啤梨，同酸酸地既野苺，好開胃！呢個真係勁岩口味！另一個係 開心果配士多啤梨蛋糕，外層一粒粒嘅係開心果，綠色嘅係白朱古力，冇乜開心果味，成個蛋糕8成係白朱古力味，另外果兩成係士多啤梨餡嘅味道。對於我來講係偏甜，賣相滿分，味道普通，呢個蛋糕麻麻哋。