Rotiboy Bakeshoppe (已結業)

之前都聽過呢間主打榴槤包嘅店，見團購賣緊圍返大約5蚊個包就試下佢。榴槤包: 拎上手係熱嘅，好贅手下，比坊間賣嘅墨西哥包大。食到4份1左右開始食到榴槤餡，榴槤味都幾香濃但餡唔多，只有薄薄一層。榴槤fans如為食豬會覺得唔多夠喉，但個包本身就幾飽肚下。咖啡包: 同榴槤包size一樣，離遠已經聞到好香好香嘅咖啡味。包入面冇餡嘅，只有薄薄一層咸牛油。重口味患者為食豬覺得有啲單調，如果入面揸嘅係咖央醬應該會更夾。總括嚟講熱食的話外皮脆用料都幾足，以團購價就好抵食。拎到返去就算整熱都係差啲，最好即買即食。