101肉燥飯專門店 (西洋菜南街) (已結業)

朋友推介的三杯雞火鍋，講左成個星期終於有時間黎食啦！呢間係豪大大雞排樓上，以前好似係食壽司，唔知幾時轉左手。呢個三杯雞火鍋有少少似雞煲，但d料比較多，除左三杯雞之外，仲有肉、菜、丸之類，睇落都幾豐富。三杯雞辣度比想像中勁，唔係個種醬汁係出面既辣，而係醃的時候已經有辣味，所以雞肉都幾辣下。雞肉大概係一口size，食落似雞脾肉咁，非常嫩滑。朋友叫左個新竹米粉，同係台灣食既一樣，呢隻米少既質感係少少un，唔似平時食個種咁易斷，吸埋個湯係好味既。