養心殿台式養生鍋 (已搬遷) 新店位置

成日聽人講，養心殿好好食，今日終於可以試吓。上到嚟，坐低睇吓有咩好食先。先揀做鍋底，叫咗個鴛鴦鍋，有寧神養心鍋了加麻辣鍋，個鍋底好靚好香好足料。附送鴨血，鴨血好實淨好食。魚皮餃個皮夠薄，芝士牛肉丸好特別，除咗係新鮮牛肉之外，裏面有芝士醬流出黎。即炸脆響鈴，響鈴有好多層，厚身得黎，好脆好有咬口。炸午餐肉，平時好少用午餐肉打邊爐，原來炸咗嘅午餐肉打邊爐係咁好食。雜錦蔬菜盤，蔬菜新鮮，每樣有啲。稻庭烏冬，好大碗，夠兩三個人食，正！最後仲有糖水送，係綠豆麥米，今餐飽飽大滿足。