雲魅 (已結業)

前兩日約朋友去咗食米線，呢間舖頭係朋友揀嘅。我心諗食米線點解要揀呢，求其食碗三哥譚仔咪得囉，但我都冇乜點理會，所以就乜都冇睇應承咗。一入到黎見到個格局，舖頭唔算好多張枱。所以好快就滿座，我同朋友打開咗個餐牌。見到同平時食開嘅米線好唔同，並非一碗自己揀唔同嘅餸。係先揀好湯底再揀面，之後就揀唔同嘅套餐，套餐有唔同嘅配菜。我揀咗雲魅特色湯，而我朋友揀咗雲魅老壇酸菜湯，一嚟到我就見到配菜還配菜，同湯底係分開嘅，湯底係用一個好似化玄嘅盅，好大個，啲湯係好滾嘅，佢要跟返唔同嘅步驟落，首先落肉類和菜類，最後先至落個面，我款湯都係有雞湯嘅，所以喜歡飲雞湯嘅人可以選擇嚟呢度食。佢嘅套餐唔算好平，但係個賣相同材料都算係值得。