麵館皇 (已結業)

平時成日都同朋友去食譚仔，都會叫有藥材味嗰種重慶湯底。上星期，同朋友經過呢間麵館，佢話試吓呢度啲藥材味湯底睇吓我鍾唔鍾意食。於是，我哋就叫咗手擀面，同埋刀削麵。首先講吓碟手擀面，好煙銀，質感好得意，仲勁大碗，好足料，其實唔會食得晒。而刀削麵同手乾麵嘅藥材味湯底真係好正，夠晒味，唔會淡，岩哂我！我哋仲配左口水雞，原來係超大碟嘅份量，開頭好擔心食唔晒，點解呢度全部野都咁大碟，其實真係好抵咁嘅價錢性價比極高。最緊要嘅係，佢唔會太辣但又有少少麻，好過癮，幾好味。總結，下次會帶埋其他朋友去食因為唔貴又大碗仲要好食去邊度搵。