施心畢老撾餐廳

營業中

休息中

朋友約食老撾菜，打左個突，好多年前去過旅行，對食過啲咩真係無咩印象，所以覺得應該無咩好野食先係，點知今日都俾左幾新鮮既感覺我，不錯不錯！先黎個隨 lunch 附送既老撾咖啡，超甜，同越南咖啡差唔多味，好似食緊咖啡糖咁，都香既，但係用鍊奶真係太甜。 南薑香芧水反而有少少太淡味，只有少少薑味。朋友叫既老撾雞肉100%全米湯粉，佢話好好味，我試左一啖湯，幾特別竟然係有少少酸味，好有椰香味，好開胃。我叫左個紅咖哩雞肉見求，其實係紅米飯咁解，雞有雞味，都好足料，食完飽到嘔，抵食！紅咖哩其實似蕃茄汁味，少少辣，食唔出咩咖哩味，不過味道是 ok 的。奇怪係佢有啲薯塊係度，好搞笑好特別，唔太夾，不過幾有新鮮感丫。 朋友叫既白咖哩佢話味道都可以，不過都係食唔出咖哩味，不過老撾菜我地識條鐵咩，可能咁就係佢地既特色呢～總括黎講，大件夾抵食又有新鮮感，不錯。