影片
更多
2024-07-27
743 瀏覽
帶狗狗出去玩，當然最重要就係要去搵間Pet Friendly餐廳，即刻上網搵到間係附近嘅墨西哥菜餐廳，所以就去食個午餐兼勁打卡。餐廳以仙人掌作主題，裝修充滿墨西哥風，分為室內同半室外範圍。與狗狗同行被安排坐係半室外座位，但感覺都唔錯嘅，Chill 得嚟又幾有特式。我地就叫左兩個Lunch Set， Upgrade左配有餐湯同Mocktail。難得嚟食墨西哥菜，就當然要叫埋著名小食Taco嚟食啦！先嚟兩杯Mocktail，我嗰杯係 BRFORE DATING，以柚子味為主再加上檸檬汁，好清新嘅感覺。大少嘅就係ROMANTIC，以荔枝汁配石榴汁，大少話佢個荔枝味好香，大讚好飲哦。當然…唔止好飲，仲好啱打卡添。是日餐湯係龍蝦湯，湯質感偏向濃稠，入口超香濃嘅能蝦味，啖啖充滿鮮味，口感非常豐富。Taco我地就叫左手撕豬同埋三文魚&粟米，單睇外表都已經非常吸引，兩款餡料嘅味道都好好，脆脆嘅外皮再放都滿滿又豐富嘅餡料，咬一啖就已經好滿足。店員哥哥仲教我地食嘅時候加上地道墨西醬嘅，更加可以帶出Taco嘅風味。我嘅主菜就係 燒盲曹魚燉什豆菠菜配墨西哥酸漿醬，由於個醬汁係帶點辣，店員哥哥知道我地唔太好辣嘅
餐廳以仙人掌作主題，裝修充滿墨西哥風，分為室內同半室外範圍。與狗狗同行被安排坐係半室外座位，但感覺都唔錯嘅，Chill 得嚟又幾有特式。
我地就叫左兩個Lunch Set， Upgrade左配有餐湯同Mocktail。難得嚟食墨西哥菜，就當然要叫埋著名小食Taco嚟食啦！
先嚟兩杯Mocktail，我嗰杯係 BRFORE DATING，以柚子味為主再加上檸檬汁，好清新嘅感覺。大少嘅就係ROMANTIC，以荔枝汁配石榴汁，大少話佢個荔枝味好香，大讚好飲哦。當然…唔止好飲，仲好啱打卡添。
是日餐湯係龍蝦湯，湯質感偏向濃稠，入口超香濃嘅能蝦味，啖啖充滿鮮味，口感非常豐富。
Taco我地就叫左手撕豬同埋三文魚&粟米，單睇外表都已經非常吸引，兩款餡料嘅味道都好好，脆脆嘅外皮再放都滿滿又豐富嘅餡料，咬一啖就已經好滿足。店員哥哥仲教我地食嘅時候加上地道墨西醬嘅，更加可以帶出Taco嘅風味。
我嘅主菜就係 燒盲曹魚燉什豆菠菜配墨西哥酸漿醬，由於個醬汁係帶點辣，店員哥哥知道我地唔太好辣嘅時候，就主動幫我地改用鮮紅花忌廉汁，細心度真係要俾個like佢呀！估唔到盲曹魚係咁大條，而且個魚肉好滑身，加埋個什豆菠菜蓉一齊食，個味道都幾得意。
大少就叫左安格斯牛肉漢堡，真係勁大個嘅漢堡，超Juicy嘅漢堡扒、仲有滑滑嘅芝士同埋新鮮嘅生菜蕃茄，好多料好滿足，入口好有層次好豐富呢。另外佢配嘅炸薯角都唔錯，油少少佐炸刑到外脆內軟，好味到停唔到口。
我覺得依間可以話係堅Pet Friendly，因為佢地有Pet Menu提供，咁主子唔止係陪食打卡咁簡單，絕對係要大力支持有心以寵物出發嘅餐廳呀！
張貼
