Flamingo Bloom (已結業)

同朋友食完台灣菜仲想繼續傾計，加上頭先冇叫過野飲好口渴，於是黎flamigo坐低飲返杯野。香港大部分茶飲店都冇位坐，難得呢間有，而且裝修都幾有特色，有自己定位同風味。枱細細張反而可以同朋友close啲，反正大家都係得一杯飲品。之前試過佢凍既油切烏龍，覺得一般，於是今次點左個熱既蜜糖啤梨綠茶。熱飲細杯過凍飲少少，但都夠飲，話晒都夜既。啤梨潤喉，而佢雖然有蜜糖，但唔會過份甜，暖暖地幾好飲。不過凍飲既茶味出啲，睇下大家鍾意咩口味啦。$39有啲小貴，可能佢計埋你坐低傾計既價錢。