老點點心竹筒飯 (已結業)

今天到旺角食竹筒飯，這間老點點心食店是彩用竹筒蒸飯，每個竹筒大約有一碗半飯。我就選了冰梅豬手竹筒飯，豬手和飯是分開上的，豬手都幾大碟，夠分糧。豬手炆得都幾軟身，面層塊豬皮爽口有膠質黏感 ，飯加左小許紅米，飯質有口感，有小小竹筒味香。除了飯之外仲有好多點心都好好食，呢度入來食嘅朋友都必試腸粉。呢度D腸粉特別細滑，我選左碧綠帶子腸，內有西芹和帶子，仲要每小件都有帶子。腸粉真的好滑，加上西芹爽口，配合得相當好，爽口嫩滑。另外個清酒雲吞雞，富有香甜清酒味，雲吞皮簿肉嫩。一口一粒好滋味。高湯魚翅灌湯餃:呢碗好多魚翅，湯餃都好大隻，不過唔知係咪放耐左，湯凍左，如果熱D就好啦！甜品就選了可愛四色小甜點。有4種口味，朱古力布丁，芒果布丁，焦糖燉蛋，燉奶。呢個甜品可以滿足我嘅要求，一次過吃齊4種口味，每款都甜而不膩 。用小砂鍋盛裝，特別精緻。