影片
更多
2018-01-23
106 瀏覽
而家每次食廚師發辦，我都會諗起秋生哥，因為佢會用「我阿媽家姐」即係「姨媽」嚟形容Omakase，咁都俾佢諗到! 除左「秋生哥」，我仲會諗到「貴」，高貴同昂貴，一聽就知係高檔野同貴嘢。日本迷朋友介紹左間日本餐廳俾我，喺灣仔，有特惠嘅Omakase。餐廳樓底好高，掛左大型吊燈仍然覺得好寛敞。望住壽司吧枱就可以睇住師傅認真製作美食。Omakase有兩個餐選擇，$880同$580，最後揀左$580 SAKURAGI Omakase Set。前菜2款 - 鰻魚蛋卷同海蜇，蛋卷帶甜味，而海蜇就特別爽彈。刺身4款 –BB吞拿魚、北海道牡丹蝦、鰤魚、吞拿魚腩。BB吞拿魚加左洋蔥、芝麻同醋汁，味道開胃。因為係BB級，所以魚味唔濃，但係比較嫩滑；北海道牡丹蝦好甜，膠質重；鰤魚刺身竟然可以肥美到Pink Pink顏色，都係第一次食到，魚香味好出；吞拿魚腩食落同望落都唔覺得肥美，但下面墊有紫蘇葉，上面有岩鹽調味，再用脆脆紫菜包住嚟食，又真係另一種風味。醋物 - 冰頭漬，三文魚鼻樑軟骨位，極珍貴同罕有，仲配左三文魚籽。因為漬完味道酸酸甜甜，爽彈有咬口。五款壽司順序係海膽、鯖魚、池魚、深海池魚、帶子。池魚近皮位置
餐廳樓底好高，掛左大型吊燈仍然覺得好寛敞。
望住壽司吧枱就可以睇住師傅認真製作美食。
Omakase有兩個餐選擇，$880同$580，最後揀左$580 SAKURAGI Omakase Set。
前菜2款 - 鰻魚蛋卷同海蜇，蛋卷帶甜味，而海蜇就特別爽彈。
刺身4款 –BB吞拿魚、北海道牡丹蝦、鰤魚、吞拿魚腩。
BB吞拿魚加左洋蔥、芝麻同醋汁，味道開胃。因為係BB級，所以魚味唔濃，但係比較嫩滑；
北海道牡丹蝦好甜，膠質重；
鰤魚刺身竟然可以肥美到Pink Pink顏色，都係第一次食到，魚香味好出；
吞拿魚腩食落同望落都唔覺得肥美，但下面墊有紫蘇葉，上面有岩鹽調味，再用脆脆紫菜包住嚟食，又真係另一種風味。
醋物 - 冰頭漬，三文魚鼻樑軟骨位，極珍貴同罕有，仲配左三文魚籽。因為漬完味道酸酸甜甜，爽彈有咬口。
五款壽司順序係海膽、鯖魚、池魚、深海池魚、帶子。
池魚近皮位置有啲韌；帶子係軟滑帶彈性仲好鮮甜；最鍾意係鯖魚，少少腥味都無，而且係最濃魚味。
汁物係蜆清湯，只有兩隻蜆，但個湯係滾熱，啱晒我。
卷物係吞拿魚手卷，合格。
燒物、揚物、煮物只可以選一款，揀左鵝肝釀冬菇，冬菇夠多汁，鵝肝無羶味，而且炸到無乜多餘油份，唔錯。
甜品係一球雪糕，有啲失色。如果係日式甜品或者日本水果會更加完美。
整體嚟講，食物出色，亦有用上高檔貨，擺盤夠精美。服務唔錯，一坐低就會遞上熱毛巾，難得係每食完一道菜，店員都會收起個豉油碟，等到下一道菜時又會送上新豉油碟，等你可以自己加新豉油，唔怕味道混淆，都幾細心。
張貼
