Holly Brown (已結業)

想試佢既雪糕好耐，所以做完野就去食下開心下，原本係想食雪糕，點知見到waffle 真係忍唔住，點知就中伏。首先有個新人在場，另一個員工教緊佢點炒雪糕，我企左一陣都冇人理，我再講唔該既時候佢眼都冇望我話：「等陣」， ok fine , 之後我問waffle使唔使等好耐，佢話一陣，我又冇諗其他就order左waffle + vanilla ice cream 既 Fruity party , 由於唔想要果d生果所以改朱古力醬+ 杏仁，唔明點解少左野仲要加$4，唔緊要比佢，收完錢（十$56+4）之後個店員叫新人響個盒入面夾2塊waffle 整番熱😒我心諗瀨野，收我$60比翻叮野我，無奈比左錢就算，坐低等左5分鐘就有，個賣相好好，之前唔開心既野即刻開心番，但開心1秒都未夠，一落刀果下😰「硬。過。石。頭」，點解要咁對我😭入口更加係差到爆，cream冇cream味，waffle唔香，vanilla雪糕食樓下Glacio好過（仲$45 2 個球），去問店員係咪本身塊野係咁硬，佢話「好硬呀」我幫你換過份啦，唉，好啦.....第二塊，軟左，但都係唔夠熱，果刻好慘，早知去豐記買格仔餅食算😒