悉尼樂園 (已結業)

朋友好鍾意復古風，特登帶佢嚟呢度食！朋友一去到非常滿意我揀呢間餐廳～我因為唔太肚餓關係所以打算叫沙律🥗點知雞肉沙律佢話轉左煙三文魚，由於我唔食三文魚唯有叫咗呢度比較多人推介嘅招牌鹽燒牛舌$88牛舌份量算多，但係唔係好熱，牛舌口感偏硬，黑椒同牛舌係絕配好難唔好食嘅，估唔到仲有沙律🥗伴碟，不過居然一啲sauce都冇，我覺得自己好似食緊草，即刻問店員靚哥哥比啲沙律醋嚟，即刻好食好多！因為呢個牛舌係小食，所以餐飲就冇半價嘅，叫咗杯菠蘿百香果梳打$48，好飲！仲有菠蘿肉嘅！值得一讚💛店員服務態度好好，好講得笑，仲幫我哋映相，撐小店唔好再理啲西客講黃色笑話啦💛食物質素我就覺得可以一試，始終我試咗好少野，朋友叫左份扒，我就太飽冇食，但menu款式都比較少野揀，本身諗住叫甜品做生日蛋糕，最後都決定轉第二間食，因為冇咩特別想食嘅，而且都差不多last order, 環境舒適，但因為open kitchen嘅關係，返到屋企啲衫仲有陣油煙味。