茶記冰室 (已結業)

因為聽聞茶記冰室嘅冰鎮咕嚕肉好出名😆，而今日我同朋友又咁啱得閒，所以就同咗朋友去葵涌既茶記冰室食個飯👭。餐廳店員嘅服務態度好好，我地坐低唔夠五分鐘，就即刻幫我哋落單，以星期日人流咁高黎講，店員既服務態度值得一讚👍。我同朋友都係因為呢度嘅冰鎮咕嚕肉慕名而來🤤，所以我哋當然有叫冰鎮咕嚕肉嚟試。個冰鎮咕嚕肉雖然配上左好多冰塊，但冰塊嘅味道都冇覆蓋咗咕嚕肉嘅味道，仲keep到咕嚕肉既酸甜味😋。而且啲咕嚕肉食落仲好脆口，所以我同朋友都好鍾意食😎。而且我哋仲叫咗菜心炒牛肉同埋燒薯牛粒黎食。呢間餐廳嘅牛肉無論煮法係點，牛肉食落既口感都好嫩滑😝，一啲都唔韌，而且啲薯仔食落非常爽口，配埋個牛柳粒黎食，食落口感簡直一流😍!晚市餐廳仲送咗個足料老火湯畀我哋，個湯飲落既感覺真係feel到一啲味精都冇😊，我同朋友都覺得個老火湯超好飲😜!呢度嘅冰鎮咕嚕肉唔單止好有特色，而且仲好好食，中意食咕嚕肉嘅人一定要嚟試下😉。