輝哥私房菜 (已結業)

天氣一下子凍，連平時唔想出街食飯嘅朋友，都會約出嚟打邊爐，成班人圍埋一齊暖粒粒，感覺確實係唔錯。今次有識路嘅朋友帶我來食私房菜火鍋，真真正正的樓上鋪。如果你食慣咗特級安格斯牛頸脊就會知道大概價錢，$298 真係可以用抵食來形容。肉質柔軟，牛味濃郁，肥瘦均勻。我本人就淨係鍾意食牛肉，但都要照顧一下豬一般嘅朋友這一碟西班牙黑豚肉，望落去都真係幾靚，脂肪多，朋友食到拍晒手掌，應該都唔差嘅。跟住係個當晚特價$20幾蚊一隻鮑魚仔，新鮮彈牙，一定要試吓。跟住係阿姐極力推介嘅魚皮，重點係不是普通貨色，是白鱔皮，果然入口更加鬆脆，口感討好。冇理由淨係食皮唔食肉架？好新鮮嘅白鱔片 $88，份量足，鮮甜滋味，肉嫩滑口。另一推介就係美顏花膠筒 $108，同出邊街嘅真係爭好遠，夠晒膠質，滾完都仍然係大大片，口感一流。仲有乒乓波咁大嘅鮮蝦雲吞 $58，原隻鮮蝦真材實料，係真係幾好味道。其他手打丸都唔錯，烏冬又係好貨色，仲有第一次食紫色嘅淮山，今餐確實有驚喜。