雲魅 (已結業)

平時鍾意同朋友去試唔同既米線，呢日就同朋友去左銅鑼灣呢間食雲南米線既餐廳到食dinner。餐廳既擺設都幾古色古香。打開餐牌，見到有幾款唔同既米線套餐可以選擇，可以揀唔同既配料set再自選湯式、麵同肉。我地點左香格里拉豪華配料同埋文山精緻配料。香格里拉豪華配料入面有鮑魚、帶子、鳳尾蝦、蟲草花、鵪鶉蛋、竹笙、酥肉、炸醬同響鈴，非常豐富。呢個配料配埋番茄湯、豬腩片同米線，一齊放入小鍋到，好豐富。另外文山精緻配料就配肥牛同清雞湯。