鮮活之味

營業中

休息中

今晚同同事食聖誕飯，佢知我鍾意食魚，所以帶咗我去觀塘工廈食鱔，仲要係特色製作，正！店子簡約舒適，座位整齊，環境企理。有數款飯類，另加錢可追加小食和飲品。鱔有蒸、灼和炸選擇，配搭不同口味，如蜜餞、韓式、日本芥末醬、豉汁等。朋友點蜜餞炸鮮鱔球飯配糖心蛋半隻轉蕎麥麵（$86+$10），冷蕎麥麵口感佳，蘸些泠麵汁，再拌勻隻香滑溏心蛋就更得！炸鮮鱔球炸得黃金靚仔，香脆不油膩，外層甜甜地，內爽嫩鮮美，非常味美！我要大盛花椒醬油汁鮮白鱔片飯轉麻醬花椒皮蛋伴烏冬（$68+$30+$23），份量十足，大滿足！鱔片薄身爽嫩，蒸得剛好。味道鮮味，配了花椒醬油汁，辣辣地，好惹味！麻醬花椒皮蛋伴烏冬相當大碗，皮蛋黏滑甘香；烏冬彈牙，每條都沾滿花椒麻醬，有些芝麻香，亦麻麻辣辣，仲越食越火辣，好過癮！小食係白灼秋葵秘製蔥油汁($24)翠緣爽嫩，配上蔥油汁，鹹香美味。