鴻星中菜 (已結業)

話說今日食team lunch, 同事提議去食鴻星。食鴻星最中意食佢果個魚仔花生，出面買一包都幾貴下㗎！都係叫左普通飲菜必嗌野食，但同事就比佢既特色包點吸引左，嗌左玫瑰豆沙包同蘑菇包。玫瑰豆沙包: 外形靚，但少少凍同硬，豆沙不會太甜，水平一般啦。蘑菇包:外形精緻，熱辣辣，入面既蘑菇好香，推介！特別要講，佢個咖喱魷魚好特別，因為下面係用左烏冬墊底，烏冬吸收哂啲咖喱汁好好味！又唔會浪費啲汁，幾好幾好。