JD Euro (Jade) Cafe & Bar (已結業)

土耳其餐係香港比較少見又食到既茶式今日有機會試下土耳其特色，究竟土耳其菜有咩特別同特色就去試試。入到去由土耳其人管理十分有禮貌而且好用心去照顧客人，餐廳佈置滲入少少土耳其風好似掛燈咁富有色彩得黎花紋款色好靚打返係牆上有特有顏色折射，仲有一款好有色彩既茶壺佢地用熱沙去保存茶壺內茶既温度暖得黎又唔會太熱飲落好舒服茶香味濃而不澀。土耳其廚師推介了2入晚餐由佢做主意幫我同朋友設計餐單對於選擇困難症既我又唔太識土耳其特色菜既我係一個好好既選擇。首先係頭盤沙律以各款蔬菜混合而成不過不失，之後係餐湯，餐湯比較特別係將豆麻死蓉再加上忌廉湯又成口感係有豆蓉渣雖然唔滑但好香豆味。主菜係羊肉及雞肉。羊肉以羊架燒熟上菜，肉質軟易咬開唔會過熟令肉質好乾仍有少許羊味，配菜既麵餅簿脆烤得好香脆帶少少甜味。雞肉以咖哩調味烤得香配上夾飲一齊食用感覺有少少似中東夾餅雞肉粒爽口調味好入味。甜品係龍鬚糖質感好輕盈入口即溶面上加少少朱古力醬做成人樣表情好得意。