老鍋台式火鍋 (京都廣場) (已結業)

幾個人最好嘅節目就係去打邊爐。今次嚟到銅鑼灣呢間台式火鍋店。聽講有一幅好靚嘅天燈畫。叫咗個膠原蛋白美人鍋就下女仕，估唔到又幾濃。三秒響鈴卷呢啲就必叫，咁先至可以索盡啲湯。特級美國安格斯雪花牛同埋新鮮脆鯇片我覺得真係幾好。感覺港式味道重過台式。(自己冇叫台式湯底😛)，其實佢個酸菜白玉鍋睇落都幾正，下次有機會再嚟試吓。環境佈置都幾靚，掛咗好多天燈喺天花板，有天燈壁畫之外，電視機都播緊啲天燈動畫添，有啲氣氛。