関東酒場 (已結業)

平時日式韓式放題食得多，今次嚟呢間有得飲酒放題嘅居酒屋真係未試過！平時我都好鐘意食酒，但係一兩個人去食飯飲唔晒，好難開到好多支，嚟関東酒場就可以！每支想試一杯又得，覺得好飲再叫又得，有清酒梅酒果酒，而且好貼心清酒想飲暖都可以座暖佢。鍾意飲暖身可以嗌較辛口嘅清酒，譬如東京盛～而甘口少少嘅今次試咗作同宗政等，都比較易入口啱新手飲😋因為仲有好多好好味嘅果酒柚子酒，帶埋朋友一齊去飲個夠啦！食物方面，好多燒物都好好食，而且種類都多，如果嗌一個酒放題嘅餐，仲包佐酒嘅小食，小編嗌咗魷魚同埋牛筋牛肚，送酒一流！如果都唔夠飽，仲可以加多春魚、大茄子、鮟鱇魚肝等～其他炸物例如酥炸墨魚嘴、手羽等都好香脆惹味，絕對可以飲飽食醉😍燒物炸物唔會太乾身，仲可以鎖住雞嘅肉汁。整體調味恰到好處，唔會怕太鹹。