影片
更多
2023-07-10
47 瀏覽
呢晚去中環搵食，來到呢間裝修好特別的餐廳。初時以為係西餐廳，但原來係主打日本料理，因為入面的裝修同一般日本餐廳好唔同。一到門口大大個恐龍招牌非常eye catching。入面分為兩層，堂食座位主要響上層。沿住樓梯一路上去，會見到好多恐龍圖畫，亦有好多恐龍同埋森林裝飾佈置，非常有特色。食物方面：❇️蟹蟹蟹！！蟹膏蟹籽燴飯 $168鮮橙色的蟹籽滿滿舖響飯上面，見到都已經覺得好吸引！飯入面混入好多蟹膏，而飯的質地近似意大利飯，每一啖都有蟹香！❇️乜都唔駛諗炸物拼盤 $149入面有吉列脆炸蝦兩隻、水牛城雞翼4隻同埋夏威夷BBQ薯條炸蝦炸得香脆，蝦肉爽口又唔會好細條，雞翼少少辣亦夠入味，薯條係幼身，同樣香脆但又唔會好油飲品：❇️日式蜜柑茶 $54都幾大杯，好香橙味，入口清甜❇️Sapporo啤酒 $74呢間餐廳除咗特色飲品同埋咖啡之外，都有啤酒同唔同種類的日本酒提供，今次揀咗4.9%酒精的Sapporo啤酒，酒精濃度低又易入口，適合平時比較少飲酒但又想試嚐酒類的人士甜品：❇️自家製宇治抹茶提拉米蘇 $98呢款甜品用個四方木盒裝住，感覺別緻，個盒有一定厚度，所以入面的Tiramisu份量都唔少。面層舖滿抹茶
一到門口大大個恐龍招牌非常eye catching。入面分為兩層，堂食座位主要響上層。沿住樓梯一路上去，會見到好多恐龍圖畫，亦有好多恐龍同埋森林裝飾佈置，非常有特色。
食物方面：
❇️蟹蟹蟹！！蟹膏蟹籽燴飯 $168
鮮橙色的蟹籽滿滿舖響飯上面，見到都已經覺得好吸引！飯入面混入好多蟹膏，而飯的質地近似意大利飯，每一啖都有蟹香！
❇️乜都唔駛諗炸物拼盤 $149
入面有吉列脆炸蝦兩隻、水牛城雞翼4隻同埋夏威夷BBQ薯條
炸蝦炸得香脆，蝦肉爽口又唔會好細條，雞翼少少辣亦夠入味，薯條係幼身，同樣香脆但又唔會好油
飲品：
❇️日式蜜柑茶 $54
都幾大杯，好香橙味，入口清甜
❇️Sapporo啤酒 $74
呢間餐廳除咗特色飲品同埋咖啡之外，都有啤酒同唔同種類的日本酒提供，今次揀咗4.9%酒精的Sapporo啤酒，酒精濃度低又易入口，適合平時比較少飲酒但又想試嚐酒類的人士
甜品：
❇️自家製宇治抹茶提拉米蘇 $98
呢款甜品用個四方木盒裝住，感覺別緻，個盒有一定厚度，所以入面的Tiramisu份量都唔少。面層舖滿抹茶粉，入口好香抹茶味，口感軟滑，都幾好食！
餐廳座位夠闊，坐得舒服
（另設加一服務費)
張貼
