Si Simply Italian (已結業)

係荔枝角同朋友飲野，我地都唔熟路，諗住冇既話就出返旺角太子個邊。不過心諗D2PLACE呢D地方應該有掛，就博博啦！點知真係比我搵到有酒飲既地方，而且每日都做唔同既特價，而今日就做手工啤酒特價～由於人地始終都係西餐廳，我地再三詢問可唔可以淨飲酒，店員話OK我地就入去坐啦！樓底高，唔係太多人，比較清靜，好適合我地邊傾計邊飲野！我先來一draft Peroni來自意大利，酒精濃度約5.1% ，用上春麥、玉米、麥芽、啤酒花同雙棱春大麥(two row spring barley)釀製，口感柔順清新，清爽而不酸澀，十分易入口。朋友就點來自意大利既手工啤Birra BaladinNazionale用了來自意大利的水、大麥麥芽、啤酒花、酵母同兩款意大利香料：佛手柑和香菜，互相結合，感覺和諧。Wayan 同 Super BitterWayan用上五種穀物同九種香料釀製，特別是用上了辣椒！十分清新爽口既組合。香氣讓人聯想到有橙花、梨和佛手柑呢個結合。Super Bitter， 苦啤，但都唔苦得過份！用上美國啤酒花“阿馬里洛”，配合焦糖同乾果完美平衡左個味道，好飲！