影片
更多
2024-09-18
818 瀏覽
今晚同朋友約埋一齊打邊爐，去到見到做緊時令嘅清甜椰子雞火鍋，啱晒夏天解暑又清新，就算遲啲搭入初秋嘅季節都好滋潤😍我哋叫咗B餐$228/位，椰子雞火鍋加$18/位，性價比極高，食材選擇又多，真係好抵食。椰子雞湯底好真材實料，用椰青水做湯底，就算再加湯都係加椰青水，清甜得嚟又唔膩，加埋大量嘅雞肉，一開頭緊係歎吓啖靚湯同食返幾嚿雞先，椰子雞湯飲落去好舒服，雞件鮮嫩入味。廣島蠔好新鮮，蠔味重，配埋一啖椰子湯，簡直係人間美味！再加上鮮甜沙白，真係食到停唔到口。日本帆立貝鮮味十足，雪花肥牛肉質嫩滑，黑毛豬梅花肉油花分佈得好均勻，好香好有肉味，仲有頂級小肥羊肉同紐西蘭青口，都好有鮮味，加埋其他嘅丸類菜類午餐肉蟹柳等，真係好滿足，性價比好高，唔怪得之平日嘅晚上都爆滿人，今晚仲有幾十人一齊慶祝生日，真係炒熱晒全場氣氛🤩Lunch Time 仲要係無限時任食，下次一定要食埋經典重慶雞煲同芝士雞煲😋評分：最高為5分治癒度：👩⚕️👩⚕️👩⚕️👩⚕️抵食度：💉💉💉💉💉翻兜指數：🩺🩺🩺🩺至尊重慶雞煲 (創興廣場)旺角彌敦道601號創興廣場16樓📍旺角港鐵站E1出口3分鐘路程
今晚同朋友約埋一齊打邊爐，去到見到做緊時令嘅清甜椰子雞火鍋，啱晒夏天解暑又清新，就算遲啲搭入初秋嘅季節都好滋潤😍
我哋叫咗B餐$228/位，椰子雞火鍋加$18/位，性價比極高，食材選擇又多，真係好抵食。椰子雞湯底好真材實料，用椰青水做湯底，就算再加湯都係加椰青水，清甜得嚟又唔膩，加埋大量嘅雞肉，一開頭緊係歎吓啖靚湯同食返幾嚿雞先，椰子雞湯飲落去好舒服，雞件鮮嫩入味。
廣島蠔好新鮮，蠔味重，配埋一啖椰子湯，簡直係人間美味！再加上鮮甜沙白，真係食到停唔到口。日本帆立貝鮮味十足，雪花肥牛肉質嫩滑，黑毛豬梅花肉油花分佈得好均勻，好香好有肉味，仲有頂級小肥羊肉同紐西蘭青口，都好有鮮味，加埋其他嘅丸類菜類午餐肉蟹柳等，真係好滿足，性價比好高，唔怪得之平日嘅晚上都爆滿人，今晚仲有幾十人一齊慶祝生日，真係炒熱晒全場氣氛🤩Lunch Time 仲要係無限時任食，下次一定要食埋經典重慶雞煲同芝士雞煲😋
評分：最高為5分
治癒度：👩⚕️👩⚕️👩⚕️👩⚕️
抵食度：💉💉💉💉💉
翻兜指數：🩺🩺🩺🩺
至尊重慶雞煲 (創興廣場)
旺角彌敦道601號創興廣場16樓
📍旺角港鐵站E1出口3分鐘路程
張貼
