火鍋英雄 (已結業)

銅鑼灣呢間火鍋英雄已經係第二次嚟食， 上一次食材料新鮮，湯底足，今次就試下佢唔同嘅特色火鍋湯底喇。 店內坐位寬闊，例如呢啲卡位，就可以坐到六個人。唔係繁忙時段嘅兩個人都會安排入坐。 上次飲咗落神花茶，甜甜酸酸幾好味。今次呢支竹蔗茅根，冰凍得黎唔太甜，味道好清涼，夠曬清熱解渴。 今次試下呢個酸菜冷魚鍋，酸辣嘅湯底好醒胃。味道唔算太辣，但係個酸菜味就好正，再加埋獨特嘅香料味道，好想一飲再飲。 魚嘅份量都好多，完全冇骨啖啖肉，唔怕細路仔哽親。 呢度嘅配料都好新鮮。四寶丸有蝦丸，墨魚丸，牛肉同埋鯪魚球。每款丸味道鮮味出眾，蝦丸，墨魚丸更夠彈牙，口感十足。 蒙古羊肉片 色澤，色澤鮮艷。一睇就知新鮮切出，入口羊肉味夠濃，帶有一丁點羊騷味，口感鬆軟 一啲都唔韌。 美國雪花肥牛，紋理清晰有致，色澤靚麗，口感較羊肉為實， 更帶嚼口，濃郁牛味卻唔騷。 雖然呢個響鈴唔係話好特別，但係用料新鮮。一入口就知係大豆類打出嚟，夠晒濃郁嘅大豆味， 口感鬆脆。 炸魚皮又係好好食嘅，必點菜之一。唔放落湯齋食已經覺得好鬆脆。入口有好香魚皮味，配埋酸辣湯味道更佳。 最後當然唔少得新鮮嘅生菜。色澤亮麗，入口爽脆，咁簡單嘅食物質