影片
更多
2020-06-10
671 瀏覽
其實我未去過米蘭，真正嘅米蘭豬扒亦都未食過。不過聽人講整米蘭豬扒好複雜，平時都冇乜地方有得食，所以就嚟咗試，就係咁迷失咗喺米蘭豬嘅世界度喇！如果要數全香港最好食嘅意粉，呢間當然排極都未到啦；不過要講CP值夠高嘅話，呢間都數一數二。八十幾蚊嘅價錢，由餐湯、主菜意粉、餐飲到甜品有齊晒，試咗一次之後，我之後嚟佐敦附近諗唔到食咩都會幫襯，簡直係高汁嘅西式平民飯堂！就由餐湯講起啦。平時呢度都係得一款湯，冇得揀，通常會係雜菜湯或薯仔湯，雜菜湯清清地，唔係一般西餐廳落咗好多茄膏好稠好濃嗰隻，第一次飲可能會覺得味道偏淡，但飲慣咗其實都幾舒服，而且會比濃味嗰款更加開胃。至於薯仔湯就味道較濃，creamy得嚟亦非常惹味，仲飲到薯仔粉粉地嘅texture，個人嚟講超級喜歡，加上出面都唔係好多地方有得飲，想止癮嘅呢度會係極好選擇。嘻，呢度嘅意粉我大部分都好鍾意，因為真係好抵食。不過要數最最最鍾意Top 1嘅一款，一定係米蘭豬扒白汁長通粉！米蘭豬扒拍到扁扁地先拎去炸，上枱都幾大塊，面層好似麵包糠嘅口感，入口香脆爆汁，一個字：正！雖然西餐好似唔會落豉油，但我次次都好似食到少許豉油嘅鮮味，為件事加分；意粉有咬口，呢
如果要數全香港最好食嘅意粉，呢間當然排極都未到啦；不過要講CP值夠高嘅話，呢間都數一數二。八十幾蚊嘅價錢，由餐湯、主菜意粉、餐飲到甜品有齊晒，試咗一次之後，我之後嚟佐敦附近諗唔到食咩都會幫襯，簡直係高汁嘅西式平民飯堂！
就由餐湯講起啦。平時呢度都係得一款湯，冇得揀，通常會係雜菜湯或薯仔湯，雜菜湯清清地，唔係一般西餐廳落咗好多茄膏好稠好濃嗰隻，第一次飲可能會覺得味道偏淡，但飲慣咗其實都幾舒服，而且會比濃味嗰款更加開胃。至於薯仔湯就味道較濃，creamy得嚟亦非常惹味，仲飲到薯仔粉粉地嘅texture，個人嚟講超級喜歡，加上出面都唔係好多地方有得飲，想止癮嘅呢度會係極好選擇。
嘻，呢度嘅意粉我大部分都好鍾意，因為真係好抵食。不過要數最最最鍾意Top 1嘅一款，一定係米蘭豬扒白汁長通粉！米蘭豬扒拍到扁扁地先拎去炸，上枱都幾大塊，面層好似麵包糠嘅口感，入口香脆爆汁，一個字：正！雖然西餐好似唔會落豉油，但我次次都好似食到少許豉油嘅鮮味，為件事加分；意粉有咬口，呢個很重要呀，我最怕就係淋Pat Pat，汁夠味，夠多、飽肚，不過每逢港式西餐廳總係會有啲奇怪嘅椰菜喺側邊，佢都keep到呢種特式嘅😂，但對整體嘅質素冇乜影響就是了。
甜品係芝士餅或吉士蛋。吉士蛋可能食唔慣，有啲苦，我都係鍾意芝士餅多啲，濃味亦夠香，蛋糕焗過有層香口嘅面，細細件，為成個Set畫上完美句號。
當然啦，一分錢一分貨，有時呢度啲服務都有啲混亂；而且落大雨我就好少去，因為天花板會滴水哈哈，好天去食，平、靚、正！
張貼