文樂園 (已結業)

今日行開旺角窩打老道一帶發現有間幾得意的外賣點心店， 感覺好懷舊，原來已經有多年歷史。花膠灌湯餃保溫設計值得讚賞，杯內放咗一個錫紙兜，保溫唔錯，返到屋企仲熱辣辣 。 濃濃的湯浸着好大隻灌湯餃，餡料豐富，除咗有肉、菇類、素翅、仲食到少少花膠tim。湯好好味好濃味冇味精， 全部飲光也唔會覺得口喝。黑松露波波原來即係素菜餃，入面加咗黑松露的關係，食起上嚟唔會太寡。木耳香菇素燒賣一份有四粒，原來用咗新豬肉加咗木耳，食落感覺好健康。層層薑汁糕薑味好濃，一層一層，考功夫之作。蜂巢糕必試之選，因為出面唔係咁多地方有得食，口感好得意， 有蜂巢的感覺，煙煙靭靭，甜甜的，值得一試。