臨家麵館

營業中

休息中

天寒地凍，行過荃灣廣場附近嘅食店，見到呢間食紅酸湯麵，好吸引，就入咗去。呢間餐廳嘅菜式係由台灣引入，主打紅酸湯、蕃茄湯同埋沙茶湯。第一次試就叫佢哋出名嘅紅酸湯。order 後好快就送到，上枱嘅時候用鐵鍋上，熱騰騰，香噴噴1）紅酸湯豬潤台南扁粉-老公叫的。湯底濃郁，豬潤份量好多，過咗一陣個湯有香濃嘅豬潤味。扁粉爽滑，好似河粉2）紅酸湯魚片台南扁粉-我叫的。魚片滑嫩，份量亦都好多，配上肉醬及菜嘅配料，好夾3）台南鹽酥雞-香脆可口，外脆內軟，雞件大大件。呢間餐廳嘅粉麵真係令我一試難忘，食完暖笠笠，食物質素唔錯，職員嘅態度都好好，下次一定會再幫襯！