Teru Teru Bōzu (已結業)

男朋友極愛日本菜，所以我地成日四出尋覓好食既日本料理餐廳。今次黎到銅鑼灣既Teru Teru Bozu，餐廳走日式居酒居風格，坐係吧枱可以見住廚師大顯身手，功架十足。推薦👍🏻烤鹿兒島黑毛和牛($158)顏色粉嫩既半生熟和牛輕躺低洋蔥上，配以兩款秘製醬汁。不愧係鹿兒島既黑毛和牛，口感鮮嫩，肉質軟綿綿，有入口即融之感，配以洋蔥一同進食，味道更豐富。兩款醬汁口味不⼀，一款偏酸，一款偏甜，而我偏愛帶酸既醬汁，開胃解膩之餘，更能突顯和牛既鮮味。推薦👍🏻黑糖汁豚角煮黑糖汁係呢道菜既靈魂，香濃帶甜。而蘿蔔同豚角軟稔入味，各款食物吸收曬醬汁既精華，味道唔錯。照燒油甘蘿蔔($128)醬汁濃厚較稠身，個人認為如果冇咁濃味會較好，稍微遮蓋左油甘魚本來既鮮味。蒸黑毛豬肉($108)配以三款醬汁，各有特色。而且附上多款蔬菜及菇類，感覺夠曬清新健康！推薦👍🏻三文魚親子蒸籠飯($128)呢度既蒸籠飯的確係不得不試！三文魚籽粒粒爽口多汁，三文魚魚香滿溢，米飯粒粒分明，較乾身兼有三文魚香。松葉蟹蒸蛋($78)口感滑溜，三文魚籽同松葉蟹好搭配。