回到味來 (已結業)

M佬：如果畀你穿越時空，回到未來，你想去邊？A姐：我諗我想去返三年前嗰一日......M佬：邊一日？A姐：你同我表白嗰一日！我諗要回到未來就有啲難，不過大家可以考慮下回到味來。無錯係味來，唔係未來，係旺角一家特色打邊爐店，主打藥膳湯底。當歸鴨藥材湯底非常足料，已經煲到深啡色，有當歸、紅棗、沙蔘等藥材，滾起嗰陣，藥材味更出。話明係當歸鴨，就當然唔少得主角鴨啦！半隻鴨肉斬件上，份量十足，非常厚肉。因為鴨件已經預先用藥材醃好，所以食落有淡淡嘅藥材味。滑雞片雞片切到薄薄，可見師傅嘅刀功。特別欣賞雞片唔多肥膏，肉質嫩滑，正。足料韭菜餃自家包嘅韭菜餃，粒粒都好大粒，薄薄嘅水餃皮包住韭菜豬肉，入口肉汁豐富，韭菜香味濃郁，想再Encore多碟。皇帝菜心水清嘅Fans都知道我哋打邊爐最鍾意叫皇帝菜，呢到嘅皇帝菜新鮮爽口，入口清甜，好香皇帝菜獨特嘅菜青味。