一豚豬手專門店 (永德大廈) (已結業)

成日行過鵝頸穚都見到一豚豬手專門店好多人今日行過決定買返屋企加餸。分店位於堅拿道西。玻璃櫃放滿豬手，不同肉類以及滷水小食。一去到見到好多人等緊，非常受歡迎。店內放有多款新品。仲有大量不同醬料。豬手夠大隻，即叫即切。用火槍輕炙，增加香氣。外賣盒非常精美。黑椒豬手豬皮爽彈，外脆內嫩，口感彈牙，皮脂充滿膠質，黑椒惹味，入口微辛。大阪燒脆腩五花腩卷成長條型燒焗，表皮金黃色，爆皮脆卜卜，油香滿瀉，充滿肉汁。