揀得啱車仔麵 (已結業)

今日2-3點去上環做完野，知道朋友係附近岩岩收工，即時打比佢，同佢食下野，朋友話想食車仔麵即時上OpenRice 睇下附近邊到有，比我們見到新紀元商場有一間車仔麵，當然即時去食。入到鋪 地方舒服又夠大，坐低左睇呢間野有車仔麵食，仲要有麻辣米線食。朋友話好肚餓，叫左蘿蔔、豬大腸、炆冬菇、芝士腸同貢丸加粗麵 配沙爹汁。蘿蔔朋友話好甜，冬菇又好入味，豬大腸洗得好乾淨。而我喜歡食麻辣，當然唔少得食麻辣湯底嘅米線啦，麻辣我覺得唔係好辣，可以再辣啲。 餸方面我簡左黑松露水餃，見到外面好少地地方有得食，要叫黎試下，黑松露嘅味唔算好濃，但是材料都好豐富，瑞士汁雞翼，豬紅同埋咖喱陳皮魚蛋。