WOFT (已結業)

黎到旺角呢間woft，餐廳有多唔同既酒類飲品供應，好啱happy hour或者夜晚同朋友飲酒傾計。除左飲酒之外，呢度既食物質素都幾唔錯，今次食完覺得仲會想有機會再黎食～ 1️⃣忌廉菠菜煙三文魚水牛芝士墨汁pizza（8“）（$94） pizza以墨汁作底，成個黑卒卒咁好特別😳食落每一啖都係芝士～煙三文魚同埋菠菜都平均分布係每一件pizza上面。而pizza係偏薄既，個遍脆脆地。鮮味同埋質感都唔錯😌  2⃣️芝士軟殼蟹窩夫漢堡（$109） 軟殼蟹好大隻咁放左係面🤩有別於一般漢堡，呢度既漢堡以窩夫取替麵包，好特別。個軟殼蟹極脆，另外仲有配上薯圈～窩夫係軟既，充滿蛋香，夾住芝士醬、軟殼蟹、蕃茄、沙律菜👍   3⃣️龍蝦肉忌廉牛肝菌意大利飯（$179） 有兩大條龍蝦肉可以食，龍蝦肉好易起到出黎，肉質係彈牙既。Risoto用左牛肝菌黎整個，食落好香菇菌味😋   4⃣️白汁烤焗大蘑菇（$65） 大蘑菇好多汁同埋好厚肉！中間芝士好多好軟滑～   5⃣️脆焗棉花糖榛子朱古力夾心批（小）（$56） 呢個一定要食！好正😍棉花糖烤過，啱啱好面頭烘到脆一脆，中間甜滑🤤除左棉花糖之外，佢個底都好有層次。有榛子醬、香蕉片同埋餅碎，加