龍麵館 (已結業)

週六晚餐突襲此地。餐廳並非主干道上，唔識路要靠GPS先搵到。装修極具香港特色，有獅頭和兵器架，幾有趣。地方寬敞，座位舒適，侍應可以中英雙語。我哋两個人，點咗一份真空牛肉麵，一個龍躉蒸飯，一份燒乳鴿和一份上湯腐竹白果菜心。等咗十來分鐘先上咗牛肉麵。第一口咬落牛肉度即感覺到肉質實在而富有彈性，因為够火候所以並唔會太韌；麵質也很弹牙，麵身很滑；湯頭濃郁而不含味精。麵快食完時上咗菜心，菜心棵棵只取莖部，大小均勻；腐竹帶些少甜味；白果新鮮甘糯。第三份菜是乳鴿，皮炸得很脆且薄，乳鴿肉汁豐富入味。第四道是荷葉呈上，龍躉肉非常嫩滑，魚汁完全滲透到飯中，加上配菜的輔助，令蒸飯香氣撲鼻。四道菜加服務費460元，非常值得。