Chapter 3 Steak Bar & Restaurant (已結業)

今日约左一個好耐無見的朋友，佢帶我去太子Chapter 3 Steak Bar ＆ Restaurant 食西餐，佢話呢間餐廳食物好特別。餐廳牆上有壁畫，好靚。 一坐低，侍應即刻好有禮貌放低3張menu，介紹呢度有乜野特色食物。 🩷煙三文魚牛油果墨魚子沙律沙律菜新鲜，加上肥美嘅煙三文魚、牛油果和墨魚子，配搭得好，颜色靚。 🐷西班牙辣肉腸火腿薄餅有濃郁嘅辣肉腸和火腿味，薄飯鬆脆。 🦞特濃麻辣龍蝦汁燴鮑魚海鲜飯一放低，就見到有2隻大大嘅青口和1隻大鮑魚，侍應係我地面前倒龍蝦汁落去，再將石鍋內嘅飯和海鲜撈好先比我地食。海鲜飯香氣撲味，味道好特別，食落去好有龍蝦味，再加上少少麻辣感覺，鲍魚好彈牙，好正。 🐔black pink炸雞呢碟是我地最鍾意和最特別嘅，雞翼先浸係墨魚汁內再炸，黑色的酥皮外脆內軟。醬汁是粉红色的，用火龍果、奶酪等做成，肉質豐滿，配上火龍果醬汁，好好味。 香橙青檸水果茶酸酸的，酸甜適中，好飲。