犇之食堂 (已結業)

搵餐廳途中無意中見到呢間犇之食堂，裝橫有特色好吸睛，原本以爲係食日本菜，細心一睇，先發現係一間台灣餐廳！話梅小蕃茄令我想起台灣夜市的話梅芭樂，用上鮮美可口的長形車厘茄，每粒好大好多肉，酸酸甜甜又多汁，係一款幾開胃的小菜。犇之推介Y爸皮蛋豆腐，有少少似硬豆腐的口感，頗重豆香，皮蛋Q 彈、甘香軟綿，撒上蔥花、鰹魚碎食法幾新鮮，味道層次分明。犇之三寶麵有牛腩、牛筋、牛肚，用料豐富，牛腩軟而不爛，牛筋林得黎有咬口，牛肚口感煙韌，可以再入味d。湯底香甜帶點微辣，蘿蔔煮得夠林夠入味，清甜無渣，扁身麵條彈牙都幾好味，仲見到餐廳有出售麵條、環保餐具，為環保出一分力！