宮崎日式燒肉店 (已結業)

日本燒肉，是我喜歡的食品之一，是晚，又與朋友來了。以往多半是慢慢燒慢慢嗽，今次則有點不同，因為這裡是放題形式，兩個鐘頭，任你食個夠。奉上八小碟燒肉，有豬肉也有雞肉，以不同醃料去炮製，未知是否學韓國人的頭盤小碟呢? Anyway，各款的分別，其實不算太大。個人偕會較喜歡雞肉。原來，每兩人惠顧，就會奉送一款較矜貴的食材，有大頭蝦、牛和豬可以揀。我們四人，選了牛與蝦各一。蝦是比任燒的出品大幾個碼，肉爽，燒香後都唔會唔好食。而我，叫做憤怒火牛仔。賣相有點肉掠衣白肉，片片牛肉掛在一個牛仔形狀的架上，再加上煙，做出視覺效果。薄薄的牛，輕燒一陣便可以放入口，肉味又幾濃喎。另外，當然點了不少其他的，又肯定係以肉類為主。燒雞翼，其實本身就會好食，無咩技巧可言。各款牛肉，大致都可以接受，最愛始終是燒牛舌。當然，如果厚切，會更加好啦!另外，我也喜歡燒菠蘿，呢款生果，真的是最適合燒的，酸中帶甜。但，個人認為，各款菜蔬，是點燒都唔好食的，除了粟米。最後，仲有甜品，是雪糕。不是兩大矜貴品牌，但總算好過冇。我選的，是朱古力口味。