影片
更多
2022-07-01
1371 瀏覽
上星期會展舉行寵物用品展，所以狗狗終於有機會出城喇，可以同我哋一齊去香港島。原本係預約咗灣仔另一間寵物友善餐廳，但對方原來冇確認到Openrice的訂座，所以最後就喺附近睇下其他餐廳。其實喺得呢個位置，基本上每間餐廳都設有室外用餐區，所以帶埋狗狗入座完全唔係問題，而我哋揀呢間的原因，除咗係因為佢係我哋見到的第一間餐廳外（太懶喇），亦因為侍應知道我食素，同我講午餐的是日意粉選項，可特別按我的飲食喜好，同廚師溝通而「度身訂造」。我覺得呢個安排實在太貼心，而且肯定係即叫即做，保證新鮮。午餐係套餐，我點咗是日意粉（$128），而狗狗爸爸就要咗雞胸雜菜（$138），跟餐有蕃茄湯或鴨胸沙律，另外可揀甜品（芒果奶凍）或咖啡/茶。侍應話如果想同時要甜品+飲品，可加$18。先嚟既係麵包，麵包烘完後仍然鬆軟，配橄欖油同黑醋食，好好味。沙律唔吝嗇，好大堆頭，鴨胸都有5-6件，而且沙律菜新鮮。之後飲湯，以為一定被沙律比下去，點知依然有驚喜，因為好有由新鮮蕃茄打成湯的感覺，唔鹹，有鮮味，好健康。之後到主菜。2個主菜份量唔細，狗狗爸爸果碟雖然雞胸肉，但佢話雞肉好滑，仲配上菠菜、烤薯、南瓜等，健康又好味。而意粉按我
原本係預約咗灣仔另一間寵物友善餐廳，但對方原來冇確認到Openrice的訂座，所以最後就喺附近睇下其他餐廳。其實喺得呢個位置，基本上每間餐廳都設有室外用餐區，所以帶埋狗狗入座完全唔係問題，而我哋揀呢間的原因，除咗係因為佢係我哋見到的第一間餐廳外（太懶喇），亦因為侍應知道我食素，同我講午餐的是日意粉選項，可特別按我的飲食喜好，同廚師溝通而「度身訂造」。我覺得呢個安排實在太貼心，而且肯定係即叫即做，保證新鮮。
午餐係套餐，我點咗是日意粉（$128），而狗狗爸爸就要咗雞胸雜菜（$138），跟餐有蕃茄湯或鴨胸沙律，另外可揀甜品（芒果奶凍）或咖啡/茶。侍應話如果想同時要甜品+飲品，可加$18。
先嚟既係麵包，麵包烘完後仍然鬆軟，配橄欖油同黑醋食，好好味。沙律唔吝嗇，好大堆頭，鴨胸都有5-6件，而且沙律菜新鮮。之後飲湯，以為一定被沙律比下去，點知依然有驚喜，因為好有由新鮮蕃茄打成湯的感覺，唔鹹，有鮮味，好健康。
之後到主菜。2個主菜份量唔細，狗狗爸爸果碟雖然雞胸肉，但佢話雞肉好滑，仲配上菠菜、烤薯、南瓜等，健康又好味。而意粉按我要求，係雜菜扁意粉，好好味，唔識形容，總之味道係一啲都唔寡。侍應特別同我講話，餐廳的廚師煮意粉好好手勢架。
到最後就係揀甜品或餐飲，我有啲掙扎，因為好想試下芒果奶凍，侍應可能留意到，佢主動提出送甜品俾我哋！勁開心！因為成餐已經係令我好滿足，好開心，最後餐廳咁慷慨送上甜品，絕對係完美句號。芒果奶凍有芒果鮮味，亦好滑。
餐廳的食物新鮮，意粉即叫即煮，而且每種食物調味都係好自然，唔會重口味，所以我覺得今次真係「錯有錯著」，雖然冇得去已訂座的餐廳，但我都覺得嚟呢度午餐會係更好的選擇。有機會的話一定會再幫襯。
張貼
